تبلیغات
بیزیم سوزلر
بیر عمر آرزینین آردیجا قاچمیشام گئجه گوندوز توتانمیرام اتگیندن سرابه نئیلییه بیللم

سن اؤزون

نویسنده :امین
تاریخ:سه شنبه 6 بهمن 1394-12:32 ب.ظ

زحمت ائیله دیلبریم گل جانیمی آل سن اؤزون
قویما کیمسه قالماسون منله گولوم قال سن اؤزون
مثنویلر سؤیلدیم بیر تک سنون روخساروه
کیمسه اوندان آلماسون حظّی فقط آل سن اؤزون
نقدیدور شوقونده جانیم ، دیلبریم تئز گل یئتیش
عزرئیله وئرمرم جان ، جانیمی آل سن اؤزون
قالمئیوب دور طاقتیم دیداروه ای خوش گولوش
گل منیم احوالیمی بیر طاقته سال سن اؤزون
بزم-ی موطریبده اوتورموش ائیلرم هردم فیکیر
کیمسه ساز-ی عشقی چالماز ، تک منه چال سن اؤزون
غم دهنزینده نظر قیللام او دالقین ساحیله
ساحیلون دالقینلیقی وئرمز ماراق دال سن اؤزون
ایللر اولدو چهرؤوی هئچ گورممیش دیلگیر « امین »
گل بو ساعت شوریمی بیر ساز کیمی چال سن اؤزون
امین
اردبیل 1393.2.20



داغ کن - کلوب دات کام
نظرات() 

دل سیّد جفادان قانا دؤندو !

نویسنده :امین
تاریخ:دوشنبه 5 بهمن 1394-12:12 ب.ظ

غمیندن قونچه تك دل قانا دؤندو،
ایشیم بولبول كیمی افغانا دؤندو.
یامان گؤز یاخشی دگیل وصل یارا،
وصالیم مؤحنت هیجرانا دؤندو.
پریشان، تیره بخت، آشوفته حالام،
كؤنول اول زولف موشك افشانا دؤندو.
كناریمدان چون اول دُرّ اولدو غائب،
گؤزوم یاشی آخیب عمّانا دؤندو.
 حذر قیل ماجرای چشم تردن،
سیرشكیم بحر بی پایانا دؤندو.
او دُرّ گنج حوسنون فیرقتیندن،
كؤنول بیر منزل ویرانا دؤندو.
داخی سانكی جفادان خالی اولماز،
دو چشمیم كفّه ی میزانا دؤندو.
رقیب بولهوه س مقصودا یئتدی،
دل سیّد جفادان قانا دؤندو.
حاجی سید عظیم شیروانی



داغ کن - کلوب دات کام
نظرات() 

جهنمده بیتن گول

نویسنده :امین
تاریخ:پنجشنبه 18 اردیبهشت 1393-02:56 ب.ظ

30-40 ایل بوندان اول قزوین شهرینؤن الموت داغینون اتکلرینده یاشیان « سوری » آدلی قیز بیر اردبیللی سرباز مؤعلیم اولان « ایوب » اوغلانا وورولوب و اونونلا درین عاطیفه لی عشقی یاشاییر تا او زاماناکی بو اوغلانون خیدمتی بیتیب اؤز دیاری اردبیله قاییدیر و بو وورقون قیز اؤز عشقین تاپماغیچون اردبیله گلیر و چوخ گزنن سونرا اونون قاپیسین چالیر و ایوبون حیات یولداشی قاپینی آچیر و تمیز عشقه صاحیب اولان سوری بیر درین مغلوبیت اؤزونده حیس ائدر و باشینا هاوا گلیر و اردبیلون کوچه لردینده بو زامانا قدر مجنون کیمی دولانیر و اؤز عشقین تاپماق ایچون گزیر دولاشیر .

بو جریاندان خبری اولان ائل شاعیری مرحوم اوستاد عاصم اردبیلی 1365 اینجی ایلده بیر قودرتلی وجهیلن « جهنمده بیتن گول » آدیلا نظمه چکیر و سونرالاردا اونو « قانلی سحر » آدلی شعر توپلولوغوندا منتشیر ائلییب بو عشقی بوتون دونیانین قولاغینا چاتریپ و بیر شاهکار یارادیب.

بو گؤزل شعری اوخوماق ایچون ادامه مطلبه گئدون 



ادامه مطلب


داغ کن - کلوب دات کام
نظرات() 

اوستاد عاصیمؤن روحینه اتحاف

نویسنده :امین
تاریخ:سه شنبه 16 اردیبهشت 1393-12:47 ب.ظ

سلام عزیز اوخویانلار اوستاد عاصم اردبیلینؤن حیاتین دییشمه سین بوتون شعر و ادب سئونلرینه تسلبت عرض ائلیم.

بو مناسبته گؤره بیر شعر و بیر بحر طویل قالیبینده یازدیغیم اثری اتحاف ائتمک ایسترم بو بؤیؤک شاعیرؤن دردلی روحینه

شعر :

عاصیمون باغ گلستانی بو گون سولدی سارالدی               

ائلیمون شاعیرینون شمس حیاتی نه قرالدی !

دردینون درمانی گلدی اونو بو ائلدن آپاردی

ائله فیکر ائیلمزیدیم کی بو گون بویله باتاردی


بحر طویل :

ائلیمؤن شاعیری عاصم،بو ائلؤن دردینی دؤنیایه عیان ائیلین عاصم،بونه عاصم کی اونون « قانلی سحر » لرده یازان بیر « یارالی دورنا » سی واردور ، بیزه هر لحظه صفادور ، بیزیم او یاره فراقت چکن آنلاردا دوادور .

عاصیمون شهد-سؤزی آذر ائلینده بال اولوب مزَسی هر لحظه قالانمیش ، « سوری » سی عشقه وفا گؤستره رک مجنون اولانمیش « بهلولی » ثانی اولوب دیلده قالانمیش ، عشقینی حقدن آلانمیش ، بیله نی درده سالانمیش .

« سؤزلو گؤزلر » منه هر لحظه دییر دای یورولوبسان ، بو وفاسیز « فلکؤن قانلی الیندن » دارالیبسان ، وصل-عشقه دایانیبسان ، نیه سن تئز سارالیبسان ؟ نیه سن تئز سارالیبسان ؟! ...

امین

1393/2/15 اردبیل




داغ کن - کلوب دات کام
نظرات() 

داغ کیمی سن

نویسنده :امین
تاریخ:جمعه 7 بهمن 1390-08:21 ب.ظ

سن اودلار اولکه سینه چیچگلی باغ کیمی سن

شلاله نغملی وولقان نفسلی داغ کیمی سن
گونش ضیالی ، گولستان صفالی ، قار تئللی
قرانلیقین اورگین یاندیران چراغ کیمی سن
آراز جوشملی ، جزر احتشاملی ، سئل کیمی سن
بو تشنه کونلومه تسکین وئره ن بولاغ کیمی سن
کتاب کتاب او گئنیش سینه ن ایچره سئوگی یاتیب
عداوتین گوزونه سانجیلان پیچاق کیمی سن
آنا دیلینده سونن قان بویلخلی کلمه لری
اوره ک اوینده الولاندیران اجاق کیمی سن
عاصم اردبیلی




داغ کن - کلوب دات کام
نظرات() 

مرحبا

نویسنده :امین
تاریخ:پنجشنبه 6 بهمن 1390-08:52 ب.ظ

مرحبا،خوش گلدین ای روحی روانیم،مرحبا

ای شکرلب یاری شیرین،لامکانیم،مرحبا

چون لبین جامی جم اولدو نفخه یی روح القدوس
ای جمالیم،ای جمالیم،بهرو کانیم،مرحبا

کونلومه هچ سندن اوزگه نسنه لاییق گورمدیم
صورتیم،عقلیم،عوقولیم،جیسمو جانیم،مرحبا

ای ملک صورتلی دیلبر،جان فدادیر یولونا
چون ددیم لحمیک لحمی،قانه قانیم،مرحبا

گلدی یاریم نازیله،سوردو،نسیمی،نجه سن؟
مرحبا،خوش گلدین،ای خیردا دهانیم،مرحبا
عمادالدین نسیمی



داغ کن - کلوب دات کام
نظرات() 

قاباغیندا

نویسنده :امین
تاریخ:چهارشنبه 5 بهمن 1390-08:28 ب.ظ

او شوخ قمزه لرین،خنجر کیپریین

گونده اولور یئوز مین قان قاباغیندا
خومار خومار باخان آلا گوزلرین
گرکدیر ورسن جان قاباغیندا

ذولفوندن قوخوشار گولو ریحانلار
قوربان هر مویینه یوز مین جاوانلار
پیشوازینا گلیر حوری قیلمانلار
ملاییک دورموشلار سان قاباغیندا
ملا پناه واقیف



داغ کن - کلوب دات کام
نظرات() 

عزیزیم بایاتیسی

نویسنده :امین
تاریخ:سه شنبه 4 بهمن 1390-07:14 ب.ظ

عزیزیم یاز آراندا

یای داغدا یاز آراندا
بیرجه کلمه سوزوم وار
یارینان ئوز آرامدا

عزیزیم قیز آراندا
دان یئری قیزاراندا
قالسادا اوغلان قالسین
قالماسین قیزاراندا

عزیزیم گول آلاندا
ساچا سنبل آلاندا
یاریم یادیما دوشر 
الیمه گول آلاندا

عزیزیم یانار اودا
پروانا یانار اودا
دردیمی داغا دئسم
اود توتار یانار او دا
بایاتیلار کیتابی



داغ کن - کلوب دات کام
نظرات() 

اوخ سندن بدن مندن

نویسنده :امین
تاریخ:دوشنبه 3 بهمن 1390-11:34 ب.ظ

ترحم ائتمه ای صیاد اوخ سندن بدن مندن

پریشان روزگارم بیر نفر یوخ یاد ائدن مندن
منه بیگانه لردن حشره جک بیر آشنا چیخماز
آماندیر مهرینی ای ماه تابان کسمه سن مندن
سولان گلزاریمی حاشا وئرم مین باغی رضوانه
باریشماز منله کونلوم بیر زامان کوسسه وطن مندن
یانار اوددان خلیل عشقی قورخوتما اوتان زاهد
من اود اولادییام یانسام بیتر دشت و دمن مندن
کولومدن گوللنر گلشن گولر کوشن آچار سوسن
قاریشسام تورپاغا عطرین آلار مشک ختن مندن 
طریق عشقده عشاقه باش سرباردیر "عاصم"
وطن اوغروندا باشدان کئچمه سم اینجیر بدن مندن
عاصم اردبیلی



داغ کن - کلوب دات کام
نظرات() 

اسیری غم

نویسنده :امین
تاریخ:یکشنبه 2 بهمن 1390-09:54 ب.ظ



عالم اولدی شاد سندن من اسیری غم هنوز
عالم ائتدی ترکی غم،منده غمی عالم هنوز
جان باغیشلاردی لبون ایظهاری گفتار ایلیب
وورماندان ایسا لبی جانبخشیلیکدن دم هنوز
حکیم ملا محمد فضولی 



داغ کن - کلوب دات کام
نظرات() 


  • تعداد صفحات :3
  • 1  
  • 2  
  • 3