تبلیغات
بیزیم سوزلر - بذ قالاسیندا (بیرینجی سری)
بیر عمر آرزینین آردیجا قاچمیشام گئجه گوندوز توتانمیرام اتگیندن سرابه نئیلییه بیللم

بذ قالاسیندا (بیرینجی سری)

نویسنده :امین
تاریخ:سه شنبه 20 دی 1390-12:02 ب.ظ

قوجا داغلارین اوجا زیروه سینده باخیر ووقاریله بیر قالا
ائله بیل كی، یئر اوره گین یاریب چیخاریر نهنگ اوجا بیر قایا
قایانین باشیندا طبق كیمی قالانی قویوب آپاریر آیا
دئیه سن به یا كی، خطر گوروب آلیشان آنا
گویه قالدیریر بالاسین، قویوب ایكی اووجونا
سورونوب قالانین توپوغون اوپور كوله گیله رقص ائله ین دومان
بولودون امیر مه مه سین شیرینجه یاتیر قالا
سینه سین ده گاه یاراراق اونون اوجالیب، بو دور
گونشین قیزیل ایشیغین اودور
گئجه اولدوزون قوجا سیرداشی
آی اونون همیشه كی، یولداشی
او گورر بیرینجی آلاولار اولكه سینه سحر سوكولنده دان
ساوالان ساغیندا فلكلره اوزادیر باشین
باخیب آختاریر قوجامان سهندینی، اولمه ین قوشا قارداشین!
اوجا داغلارین قوجا زیروه سینده باخیر ووقاریله بیر قالا
مئشه لر اوپور آیاغین اونون
كولك اوخشاییر یاناغین اونون
سایا بیلمز سن بولاغین اونون
اولا بیلمه میش هله داشلاری یووا قارتالا!
دوشه رك و سویكه نرك قیلینج كیمی ساللارا
دورورام، گئدیب كئچیرم داغین، چاتیرام یالا
نئچه زیروه لر، نئچه سیلدیریم، نئچه اورمانین
قایاسین، دوزون، كئچیدین، بویوك مزاریستانین
كئچه رك یاواش گئدیرم، گئدینجه هر بیر آن اوجالیر قالا
دونه رك باخاندا بیر آنلیغا كئچیلن یولا
قارالیر گوزوم...
دوکتور زهتابی



داغ کن - کلوب دات کام
نظرات() 
alishan
پنجشنبه 22 دی 1390 10:42 ق.ظ
امین بئی چوخ گوزل یازیب سیز آرزیم بودور بذ قلاسی کیمین گوندن گونه اوجالاسیز "" بوش قالماز مردین قالاسی /مرد اولمازنامرد بالاسی / یازدا آچار داغ لالاسی / پاییز اولجاق سولار گئدر /
پاسخ امین : چوخ ساغ اول alishan بئی
بو شعری تقدیم ائلیوک بویوک اوستاد دوکتر زهتابیه.
نژادمحمد
چهارشنبه 21 دی 1390 06:18 ب.ظ
سلاملار
سیزینده گؤزل وبلاقیز وار
سیزی افتخارلا باغلانتیلاریمیزا آرتیردیق
سیزه اوغورلار دیلرم
پاسخ امین : سیزه ده چوخ باشاریلار دیلرم.
دوشنبه 19 دی 1390 08:30 ب.ظ
سلام حؤمتلی دوست!
گؤزل وئبلاگ یارتمیشسیز. بویوردوغوز كیمی سیزی لینك ائتدیم.
پاسخ امین : سالاملار اولسون
بونا گوره من چوخ سویندیم اومودوم وار همشه کی کیمی باشی اوجا اولاسینیز.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.