تبلیغات
بیزیم سوزلر - جهنمده بیتن گول
بیر عمر آرزینین آردیجا قاچمیشام گئجه گوندوز توتانمیرام اتگیندن سرابه نئیلییه بیللم

جهنمده بیتن گول

نویسنده :امین
تاریخ:پنجشنبه 18 اردیبهشت 1393-01:56 ب.ظ

30-40 ایل بوندان اول قزوین شهرینؤن الموت داغینون اتکلرینده یاشیان « سوری » آدلی قیز بیر اردبیللی سرباز مؤعلیم اولان « ایوب » اوغلانا وورولوب و اونونلا درین عاطیفه لی عشقی یاشاییر تا او زاماناکی بو اوغلانون خیدمتی بیتیب اؤز دیاری اردبیله قاییدیر و بو وورقون قیز اؤز عشقین تاپماغیچون اردبیله گلیر و چوخ گزنن سونرا اونون قاپیسین چالیر و ایوبون حیات یولداشی قاپینی آچیر و تمیز عشقه صاحیب اولان سوری بیر درین مغلوبیت اؤزونده حیس ائدر و باشینا هاوا گلیر و اردبیلون کوچه لردینده بو زامانا قدر مجنون کیمی دولانیر و اؤز عشقین تاپماق ایچون گزیر دولاشیر .

بو جریاندان خبری اولان ائل شاعیری مرحوم اوستاد عاصم اردبیلی 1365 اینجی ایلده بیر قودرتلی وجهیلن « جهنمده بیتن گول » آدیلا نظمه چکیر و سونرالاردا اونو « قانلی سحر » آدلی شعر توپلولوغوندا منتشیر ائلییب بو عشقی بوتون دونیانین قولاغینا چاتریپ و بیر شاهکار یارادیب.

بو گؤزل شعری اوخوماق ایچون ادامه مطلبه گئدون 


فلکین قانلی الیندن بیر آتیلمیش یئره اندی،
بیر فلاکت آنانین جان شیره سیندن سودون امدی،
بوللو نیسگیل شله سین چیگنینه آلدی .
تای توشوندان دالی قالدی،
ساری گول مثلی سارالدی.
گونو تک باغری قارالدی.
خان چوبانسیز سئله تاپشیرسین اوزون،
یوردوموزا بیر سارا گلدی.
بیر وفاسیز یار الیندن یارا گلمز سانا گلدی.
بیر یازیق قیز ، جان الیندن جانا گلمز جانا گلدی.
کئچه جکده “الموت” دامنه سیندن بورایا درمانا گلدی.
بیرآدامسیز “سوری” آدلی، الی باغلی، دیلی باغلی!

“سوری” کیم دیر؟
سوری بیر گول دی جهنمده بیتیبدیر .
سوری بیر دامجی دی، گوزدن آخاراق اوزده ایتیبدیر.
سوری یول- یولچوسودور، ایری ده یوخ ،دوزده ایتیبدیر.
سوری، بیر مرثیه دیر اوخشایاراق سوزده ایتیبدیر.
او کونول لرده کی ایتمیش دی ازلدن، اودو گوزدن ده ایتیبدیر.
سوری بیر گوزلری باغلی، اوزو داغلی سوزوداغلی،
اولوب هاردان هارا باغلی!
بوشلاییب دوغما دیارین، اوموب البته یاریندان.
ال اوزوب هر نه واریندان.
قورخماییب،شهریمیزین قیشدا آمانسیز بورانیندان، نه قاریندان.
گزیر آواره تاپا، یاندیریجی دردینه چاره، تاپابیلمیر.
چوخ سئویر عشقی باشیندان آتا، آمما آتا بیلمیر.
اووا باخ آووچی دالینجا قاچیر، آمما چاتا بیلمیر.
ایش دونوب، لیلی توشوب چوللره مجنون سوراغیندا.
شیرین الده تئشه، داغ پارچالاییر فرهاد اوتورموش اوتاغیندا.
تشنه لب قو نئچه گور جان وئری دریا قیراغیندا.
گوزده حسرت یئرینی خوشله ییب ابهام دوداغیندا.
وارلیغین سون اثری آز قالیر ایتسین یاناغیندا.
سانکی بیر کوزدی بورونموش کوله وارلیق اوجاغیندا.
کوزه ریر پیلته کیمین، یاغ توکه نیب دیر چراغیندا.
بوی آتیر رنج باغیندا. قوجالیر گنج چاغیندا،
بیر آدامسیز، سوری آدلی، الی باغلی، دیلی باغلی!

سوری جان !
اومما فلکدن ، فلکین یوخدو وفاسی،
نه قدر یوخدو وفاسی، او قدر چوخدو جفاسی،
کوهنه رقاصه کیمین، هر کسه بیر جوردی اداسی،
او آیاقدان دوشه نی، ایستیر آیاقدان سالان اولسون.
او تالانمیش لاری ایستیر گونو- گوندن تالان اولسون.
او آتیلمیشلاری ایستیر هامیدان چوخ آتان اولسون.
او ساتیلمیشلاری ایستیر قول ائدرکن ساتان اولسون.
نئیله مک قورقو بوجوردور .
فلکین نظمی ازلدن اولوب اضدادینه باغلی.
قاراسیز آغلار اولانماز،
دره سیز داغلار اولانماز.
اولو سوز ساغلار اولانماز.
گره ک هر بیر گوزه له بیر دانا چیرکین ده یارانسین،
بیری انسین یئره گوکدن، بیری عرشه اوجالانسین.
بیری چالسین ال آیاق غم دنیزینده،
بیری ساحیلده سئوینج ایله دایانسین.
بیری ذلت پالازین باشه چکیب یاتسادا آنجاق،
بیری نین بختی اویانسین .
بیری قویلانسادا نعمت لره یئرسیز،
بیری ده قانه بویانسین.

آی آدامسیز سوری آدلی، ساچلاریندان دارا باغلی!
نئیله مک ایش بئله گلمیش. چور گلنده گوله گلمیش.
فلکین ایری کمانینده اولان اوخ آتیلاندا دوزه دگمیش،
دیلسیزین باغرینی ده لمیش.
ایری قالمیش، دوزو اگمیش.
اونو خوشلار بو فلک،
ائل ساراسین سئللر آپارسین،
بولبول حسرت چکه رک گول ثمرین یئللر آپارسین.
قیسی چوللرده قویوب
لیلی نی محمللر آپارسین،
خسرووی شیرین ایلن ال اله وئرسین، کئفه دولسون،
سوری لار سولسادا سولسون،
بیری باش یولسادا یولسون،
سیقسا بیر اولدوز اگر اولماسا اولدوزلار ایچینده،
بو سماء ظولمته باتماز.
داش آتان،کول باشی قویموش،
داشینی اوزگه یه آتماز.
سن یئتیش سون هدفه،
اوندا فلک مقصده چاتماز،
داها افسانه یاراتماز.

سوری،ای باشی بلالی،زامانین قانلی غزالی.
سوری بیر قوش دی خزان آیری سالیبدیر یوواسیندان،
ال اوزوبدور آتاسیندان،
جوجه دیر حیف اولا سود گورمه ییب اصلا آناسیندان.
او زلیخا کیمی یوسف ایی ین آلمیر لباسیندان.
بونا قانع دی تنفس ائله ییر یار هاواسیندان.
درد وئرن درده سالیب آمما خبر یوخ داواسیندان
آغلاییب سیتقایاراق بهره آپارمیر دوعاسیندان.
او بیر آئینه دی رسسام چکیب اوستونه زنگار،
اوندا یوخ قدرت گفتار،
اوزو چیرکین، دیلی بیمار،
گنج وقتینده دل آزار،
گوره سن کیم دی خطاکار،
گوره سن کیم دی خطاکار!



داغ کن - کلوب دات کام
نظرات() 
How do you grow?
دوشنبه 30 مرداد 1396 04:02 ب.ظ
Hi there would you mind stating which blog platform you're
working with? I'm going to start my own blog soon but I'm having a
difficult time deciding between BlogEngine/Wordpress/B2evolution and Drupal.
The reason I ask is because your design seems different
then most blogs and I'm looking for something completely
unique. P.S My apologies for being off-topic
but I had to ask!
smail23.blog.fc2.com
شنبه 14 مرداد 1396 03:22 ب.ظ
Hi there to every body, it's my first visit of
this web site; this web site contains amazing and actually good material in support of readers.
grace0whitfield2.page.tl
شنبه 7 مرداد 1396 11:04 ق.ظ
I seriously love your blog.. Very nice colors
& theme. Did you create this amazing site yourself?
Please reply back as I'm looking to create my own site
and would love to find out where you got this from or exactly what the theme is named.
Thanks!
std testing centers
یکشنبه 4 تیر 1396 11:30 ب.ظ
بسیار قلب از خود نوشتن در حالی که ظاهر شدن دلنشین ابتدا آیا نه کار
خوب با من پس از برخی از زمان.

جایی در سراسر جملات شما در واقع قادر
به من مؤمن متاسفانه تنها برای while.
من با این حال کردم مشکل خود را
با فراز در منطق و یک ممکن است را سادگی
به پر همه کسانی شکاف. در صورتی که شما
که می توانید انجام من را بدون شک
تا پایان در گم.
BHW
جمعه 18 فروردین 1396 10:47 ب.ظ
Hi there! This article could not be written any better!
Looking through this article reminds me of my previous roommate!
He always kept talking about this. I will forward this post to him.
Pretty sure he'll have a good read. I appreciate you for sharing!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر